வங்கி மோசடி; ஜெட் ஏர்வேஸ் தலைவர் நரேஷ் கோயல் ED கைது

 

ஜெட் ஏர்வேஸ் நிறுவனர் நரேஷ் கோயலை கருப்பு பண பரிவர்த்தனை செய்ததாக அமலாக்க இயக்குனரகம் கைது செய்துள்ளது. வங்கி மோசடி மற்றும் 538 கோடி ரூபாய் பண மோசடி வழக்கில் கைது செய்யப்பட்டார். 74 வயதான கோயலின், பணமோசடி தடுப்புச் சட்டத்தின் (பிஎம்எல்ஏ) கீழ் மும்பையில் உள்ள ED அலுவலகத்தில் சுமார் 8 மணி நேரம் விசாரணைக்குப் பிறகு கைது செய்யப்பட்டார்.முன்னதாக மும்பையில் நரேஷ் கோயல், அவரது மனைவி அனிதா கோயல், முன்னாள் நிறுவன இயக்குநர் கவுரங்கா ஷெட்டி, ஜெட் ஏர்வேஸ் அலுவலகம் உள்ளிட்ட 7 இடங்களில் சிபிஐ சோதனை நடத்தியது. இதையடுத்து கோயலின் மனைவி அனிதா மற்றும் அந்நிறுவனத்தின் முன்னாள் நிர்வாகிகள் சிலர் மீது சிபிஐ வழக்கு பதிவு செய்தது. கைது செய்யப்பட்டதைத் தொடர்ந்து, கோயல் இன்று நீதிமன்றத்தில் ஆஜர்படுத்தப்பட்டார்.