லிபியாவில் வெள்ளத்தில் சிக்கி உயிரிழந்தவர்களின் எண்ணிக்கை 11,000ஐ தாண்டியுள்ளது

 

கிழக்கு லிபியாவில் டேனியல் புயலுக்குப் பிறகு இறந்தவர்களின் எண்ணிக்கை 11,000 ஐத் தாண்டியது.மலைகளில் அணைகள் இடிந்து விழுந்ததால் துறைமுக நகரமான டெர்னாவில் இரட்டை பேரழிவு ஏற்பட்டது. நேற்று 3,000க்கும் மேற்பட்ட உடல்கள் தகனம் செய்யப்பட்டன. இடிந்த கட்டிடங்களில் ஹெலிகாப்டர்கள் மூலம் இரவு பகலாக தேடுதல் வேட்டை தொடர்ந்து நடைபெற்று வருகிறது.மேலும் ஆயிரக்கணக்கானோர் கடலிலும், கார்களுக்குள்ளும், கட்டிட இடிபாடுகளுக்குள்ளும் சிக்கியுள்ளதாக மதிப்பிடப்பட்டுள்ளது. 

நிலச்சரிவு காரணமாக சேதமடைந்த சாலைகள் மீட்புப் பணிகளுக்கு இடையூறாக உள்ளன. ஜெர்மனி, ருமேனியா, பின்லாந்து போன்ற பல்வேறு நாடுகள் மீட்புப் பணிக்கான உபகரணங்கள், அத்தியாவசியப் பொருட்கள் மற்றும் போர்வைகளை வழங்கியுள்ளன. ஐரோப்பிய ஒன்றியமும் 500,000 யூரோக்களை வழங்கியது.