சில்லிவாக் விமானம் விபத்து: இரண்டு இந்திய பயிற்சி விமானிகள் பலி

 

பிரிட்டிஷ் கொலம்பியாவில் உள்ள சில்லிவாக் விமான நிலையத்திற்கு அருகே வெள்ளிக்கிழமை நடந்த விமான விபத்தில் உயிரிழந்த இருவர் அடையாளம் காணப்பட்டுள்ளனர். உயிரிழந்த இருவரும் இந்திய பயிற்சி விமானிகள் என இந்திய ஊடகங்கள் உறுதிப்படுத்தியுள்ளன. உயிரிழந்தவர்கள் மும்பையைச் சேர்ந்த அபய் கத்ரு மற்றும் யாஷ் விஜய் ராமகுடே என அடையாளம் காணப்பட்டுள்ளனர்.Piper PA-34 Seneca வான்கூவரில் இருந்து 100 கிலோமீட்டர் தொலைவில் உள்ள சில்லிவாக்கில் உள்ள விமான நிலையத்திற்கு அருகில் விபத்துக்குள்ளானது.

 இந்த விபத்தில் இந்தியர்களைத் தவிர மற்றொரு விமானியும் உயிரிழந்தார். இந்த விமானம் லாங்லியை தளமாகக் கொண்ட ஸ்கைகுவெஸ்ட் ஏவியேஷன் நிறுவனத்திற்கு சொந்தமானது. விபத்து குறித்து விசாரணையை தொடங்கியுள்ளதாக அந்நிறுவனம் தெரிவித்துள்ளது. போக்குவரத்து பாதுகாப்பு வாரியமும் விசாரணையை அறிவித்துள்ளது.இறந்தவர்களின் உறவினர்களுக்கு தகவல் தெரிவிக்கப்பட்டுள்ளது என்று ஆர்சிஎம்பி தெரிவித்துள்ளது. இறந்தவர்களின் உடல்களை இந்தியாவுக்கு கொண்டு செல்வது தொடர்பாக இந்திய துணைத் தூதரகத்துடன் தொடர்பு கொள்ளப்பட்டுள்ளது.