கட்டாக்கில் உள்ள மகாநதி கரையில் பாலி ஜாத்ரா தொடங்கியது

 

ஒடிசாவின் புகழ்பெற்ற புராதன கடல்சார் பாரம்பரியத்தை நினைவுகூரும் ஆசியாவின் மிகப்பெரிய திறந்தவெளி வருடாந்திர வர்த்தக கண்காட்சியான பாலி ஜாத்ரா, கட்டாக்கில் உள்ள மகாநதியின் கரையில் தொடங்கியது.இந்த ஆண்டு கார்த்திகை பூர்ணிமா அன்று தொடங்கிய திருவிழா அடுத்த மாதம் டிசம்பர் 4ம் தேதி வரை நடைபெறுகிறது. ஒடிசா மற்றும் பிற மாநிலங்களைச் சேர்ந்த கலாசாரக் குழுவினர் ஒடிசி, சௌ, பிஹு, மஹரி, கோதிபுவா, சம்பல்புரி, சந்தாலி நாட்டுப்புற நடனம் போன்ற நடனங்களை மாலையில் நடத்துவார்கள்.இந்த ஆண்டு கண்காட்சி மைதானத்தில் பல்வேறு கைவினைப் பொருட்கள், வீட்டுப் பொருட்கள் மற்றும் உணவுப் பொருட்களைக் காட்சிப்படுத்தும் சுமார் 2,000 ஸ்டால்கள் வரும் என்று எதிர்பார்க்கப்படுகிறது. பொதுமக்கள் அதிக அளவில் பங்கேற்பதால் பலத்த பாதுகாப்பு ஏற்பாடுகளை போலீசார் செய்துள்ளனர்.