கியூபெக் அவசர அறைகளில் நிலைமை கட்டுப்பாட்டை மீறி இருப்பதாக மருத்துவர்கள் கூறுகின்றனர்

 

கோவிட் மற்றும் காய்ச்சல் போன்ற நோய்களின் அதிகரிப்புடன் கியூபெக் முழுவதும் உள்ள மருத்துவமனைகளின் அவசர அறைகளின் நிலைமை கட்டுப்பாட்டை மீறிவிட்டதாக கியூபெக் அவசர அறை மருத்துவர்கள் கூறுகின்றனர். மாகாணத்தில் உள்ள அனைத்து அவசர சிகிச்சைப் பிரிவுகளிலும் நிலைமை மிகவும் மோசமாக இருப்பதாகவும், அரசாங்கத்தின் நடவடிக்கையின்மை தொடர்வதாகவும் வைத்தியர்கள் சங்கம் குற்றம் சுமத்தியுள்ளது.அனைத்து அமைச்சர்களின் கவனமும் மசோதா-15 மற்றும் சுகாதாரப் பாதுகாப்பு முறையை மறுசீரமைப்பதில் கவனம் செலுத்தினாலும், சுகாதாரத் துறை முற்றிலும் உடைந்துவிட்டதாக யூனியன் தலைவர் மேரி-மவுட் கோட்டர் குற்றம் சாட்டினார்.அவசர சிகிச்சை பிரிவுகளில் கூட்ட நெரிசல் மரணத்திற்கு வழிவகுக்கிறது. அவசர சிகிச்சைப் பிரிவில் அனுமதிக்கப்படும் 82 நோயாளிகளில் குறைந்தது ஒருவராவது இறந்துவிடுவதாக மதிப்பீடுகள் காட்டுகின்றன. பெரும்பாலான மருத்துவமனைகள் திறனை மீறி செயல்படுவதாகவும் மருத்துவர்கள் கூறுகின்றனர்.