வீட்டில் இருந்து தொடர்ந்து பணிபுரிபவர்களுக்கு இனி பதவி உயர்வு வழங்கப்படாது

 

முன்னணி தொழில்நுட்ப நிறுவனமான டெல், வீட்டிலிருந்து வேலை செய்வதில் தனது கொள்கையை மாற்றியுள்ளது. அலுவலகத்திற்கு வராமல் வீட்டிலிருந்து தொடர்ந்து வேலை செய்பவர்களுக்கு பணியில் பதவி உயர்வு வழங்கப்படாது என அந்நிறுவனம் பிறப்பித்த உத்தரவு தற்போது சமூக வலைதளங்களில் பரபரப்பாக பேசப்பட்டு வருகிறது.

முன்பு வீட்டில் இருந்து வேலை செய்ய ஆதரவாக இருந்த நிறுவனம், பல முறை ஹைப்ரிட் விருப்பத்தை செயல்படுத்த முயற்சித்தது, ஆனால் பலர் அலுவலகத்திற்கு வரத் தயங்கியபோது, வீட்டில் இருப்பவர்களுக்கு பதவி உயர்வு இல்லை என்ற கொள்கையை ஏற்றுக்கொண்டது. மே மாதம் முதல், ஊழியர்கள் ஹைபிரிட் மற்றும் ரிமோட் என இரு பிரிவுகளாக பிரிக்கப்படுவார்கள். ரிமோட் ஆப்ஷனை தேர்வு செய்பவர்களுக்கு இனி வேலையில் பதவி உயர்வு கிடைக்காது என்பதுதான் நிபந்தனை.