மாஸ்கோ தீவிரவாத தாக்குதலுக்கு சவுதி அரேபியா கண்டனம் தெரிவித்துள்ளது

 

ரியாத்: மாஸ்கோ தீவிரவாத தாக்குதலுக்கு சவுதி வெளியுறவு அமைச்சகம் கடும் கண்டனம் தெரிவித்துள்ளது. இந்த வேதனையான சம்பவத்தில் உயிரிழந்தவர்களின் குடும்பத்தினருக்கும், ரஷ்ய அரசுக்கும், மக்களுக்கும் சவுதி அரேபியா ஆழ்ந்த இரங்கலையும், வருத்தத்தையும் தெரிவித்துக் கொள்கிறது என்று வெளியுறவு அமைச்சகம் ஒரு அறிக்கையில் தெரிவித்துள்ளது. அனைத்து வகையான தீவிரவாதம் மற்றும் பயங்கரவாதத்தை எதிர்த்துப் போரிடுவதன் முக்கியத்துவத்தை அந்த அறிக்கை வலியுறுத்தியது. 

ரஷ்ய தலைநகர் மாஸ்கோவின் புறநகர்ப் பகுதியான குரோகஸ் சிட்டியில் நடந்த பயங்கரவாதத் தாக்குதலைத் தொடர்ந்து ரஷ்ய அதிபர் விளாடிமிர் புதினுக்கு மன்னர் சல்மான் மற்றும் பட்டத்து இளவரசர் முகமது பின் சல்மான் ஆகியோர் இரங்கல் செய்தி அனுப்பியுள்ளனர். "பயங்கரவாதிகளின் தாக்குதலில் பலர் கொல்லப்பட்டனர் மற்றும் பலர் காயமடைந்தனர் என்பதை நாங்கள் அறிவோம், இந்த வெறுக்கத்தக்க குற்றச் செயலை நாங்கள் வன்மையாகக் கண்டிக்கிறோம்" என்று அந்த செய்தியில் கூறப்பட்டுள்ளது.