விமானம் விபத்துக்குள்ளானது; மலாவியின் துணை ஜனாதிபதி உட்பட 10 பேர் உயிரிழந்தனர்

 

விமான விபத்தில் மலாவிய துணை அதிபர் சோலோஸ் கிளாஸ் சிலிமா (51) உட்பட 9 பேர் உயிரிழந்தனர். துணை ஜனாதிபதி மற்றும் அதிகாரிகள் பயணித்த விமானம் விபத்துக்குள்ளானதாகவும், காடுகளில் விமானம் கண்டுபிடிக்கப்பட்டதாகவும், யாரையும் காப்பாற்ற முடியவில்லை என்றும் மலாவிய ஜனாதிபதி லாசரஸ் சக்வேரா தெரிவித்தார்.

"விமானம் கண்டுபிடிக்கப்பட்டது, அது ஒரு பயங்கரமான சோகமாக மாறிவிட்டது என்பதை உங்கள் அனைவருக்கும் தெரிவிக்க மிகவும் வருந்துகிறேன்" என்று மலாவிய ஜனாதிபதி லாசரஸ் சக்வேரா ஊடகங்களுக்கு தெரிவித்தார். மலாவியின் முன்னாள் மந்திரி ரால்ப் கசம்பராவின் இறுதிச் சடங்கிற்காக சோலோஸ் திங்களன்று திரும்பினார். தலைநகர் லிலாங்வேயில் இருந்து புறப்பட்ட விமானம் சிறிது நேரத்தில் ரேடாரில் இருந்து மாயமானது.

மோசமான வானிலை காரணமாக இந்த விபத்து நடந்துள்ளது. காலை 9.17 மணிக்கு விமானம் புறப்பட்டது. இது மலாவியின் வடக்குப் பகுதியில் உள்ள மசுசு விமான நிலையத்தில் சுமார் 10:30 மணிக்கு தரையிறங்குவதாக இருந்தது. ஆனால் விமானம் மசுசூவில் தரையிறங்க முடியாமல் தலைநகர் லிலோங்வேக்கு திருப்பியனுப்பும்போது விபத்து ஏற்பட்டது.