கனடாவை தாக்கும் பெரில் சூறாவளி; கனமழை மற்றும் வெள்ளம் ஏற்பட வாய்ப்பு

 

டெக்சாஸைத் தாக்கிய பெரில் சூறாவளி இந்த வாரம் கனடாவையும் தாக்கக்கூடும் என்று தகவல்கள் தெரிவிக்கின்றன. நாட்டின் சில பகுதிகளில் வெள்ளம் ஏற்பட வாய்ப்புள்ளது. புதன் வாக்கில், பெரில் பெரிய ஏரிகளுக்கு மேல் ஒரு சாதாரண குறைந்த அழுத்தமாக மாறும். பெரில் தெற்கு ஒன்டாரியோ, தென்மேற்கு கியூபெக் மற்றும் கடல்சார் பகுதிகளை பாதிக்கும். நியூ பிரன்சுவிக்கிலும் கனமழை பெய்யும் என கணிக்கப்பட்டுள்ளது. நகர்ப்புறங்களில் கனமழை மற்றும் வெள்ளப்பெருக்கு ஏற்படும் என வானிலை ஆய்வாளர்கள் கணித்துள்ளனர். மாகாணங்கள் மற்றும் பிரதேசங்களில் உள்ள மக்கள் எச்சரிக்கையுடன் இருக்குமாறு கனடா சுற்றுச்சூழல் அமைப்பு அறிவுறுத்தியுள்ளது.

டொராண்டோ மற்றும் அதனைச் சுற்றியுள்ள பகுதிகளில் கனமழை பெய்யும் என சுற்றுச்சூழல் கனடா கணித்துள்ளது. சூறாவளியை முன்னிட்டு நகரில் விசேட வானிலை எச்சரிக்கை விடுக்கப்பட்டுள்ளது. புதன்கிழமை ஒரு மணித்தியாலத்துக்கு 20 முதல் 40 மில்லிமீற்றர் மழை பொழியலாம் என சுற்றுச்சூழல் கனடா தெரிவித்துள்ளது. பெரில் சூறாவளியின் சரியான திசை இன்னும் அறியப்படாத நிலையில், சில இடங்களில் 50 மில்லிமீட்டருக்கும் அதிகமான மழைப்பொழிவு எதிர்பார்க்கப்படுவதாகவும், சில சமயங்களில் பலத்த காற்று வீசக்கூடும் என்றும் சுற்றுச்சூழல் கனடா எச்சரிக்கை விடுத்துள்ளது.

பெரில் புயல் டெக்சாஸில் பலத்த சேதத்தை ஏற்படுத்தியுள்ளது. கிரேட்டர் ஹூஸ்டன் பகுதியில் 7 பேர் உயிரிழந்துள்ளனர். பலத்த காற்றினால் சுமார் 30 லட்சம் வீடுகள் மற்றும் தொழிற்சாலைகள் மின்சாரத்தை இழந்துள்ளன. நூற்றுக்கணக்கான விமானங்கள் ரத்து செய்யப்பட்டுள்ளன.