குடியுரிமையை துறந்து வெளிநாடுகளில் குடியேறும் இந்தியர்களின் எண்ணிக்கை அதிகரித்து வருகிறது

 

இந்திய குடியுரிமையை துறந்து வெளிநாடுகளில் குடியேறும் இந்திய குடிமக்களின் எண்ணிக்கை அதிகரித்து வருவதாக தகவல். இந்திய வெளியுறவு அமைச்சகத்தின் கூற்றுப்படி, 2011 மற்றும் ஜூன் 2023 க்கு இடையில், சுமார் 1.75 மில்லியன் இந்தியர்கள் தங்கள் குடியுரிமையை கைவிட விண்ணப்பித்துள்ளனர். பிரேசில், ஐஸ்லாந்து, வாடிகன், அமெரிக்கா, இங்கிலாந்து, பிரான்ஸ், ஜெர்மனி போன்ற 135 நாடுகளுக்கு இந்தியர்கள் குடிபெயர்ந்துள்ளனர்.

இந்திய அரசியலமைப்பின் கீழ் இரட்டைக் குடியுரிமைக்கு அனுமதி இல்லை. இதனால் தான் வெளிநாடுகளுக்கு குடிபெயர்ந்து வருபவர்கள் இந்திய குடியுரிமையை கைவிடுகின்றனர். 2022ல் அதிகமானோர் இதற்கான ஆவணங்களை சமர்ப்பித்தனர். 2022ல் 2,25,620 பேர் இந்திய பாஸ்போர்ட்டை ஒப்படைத்துள்ளனர். இந்திய வெளியுறவு அமைச்சகத்தின் அறிக்கையின்படி, 13 மில்லியன் இந்திய குடிமக்கள் வெளிநாடுகளில் வாழ்கின்றனர். ஐக்கிய அரபு அமீரகத்தில் இந்தியர்கள் அதிகம். ஐக்கிய அரபு அமீரகத்தில் 35.54 லட்சம் இந்திய குடிமக்கள் உள்ளனர். சவுதி அரேபியா, குவைத், கத்தார் மற்றும் ஓமன் ஆகிய நாடுகள் இந்தியர்கள் அதிகம் வசிக்கும் மற்ற நாடுகளாகும்.