டெல்லியில் செயற்கையாக மழை பெய்ய வைக்கும் முயற்சி தோல்வி

 

 

காற்று மாசுபாடு தொடர்ந்து கடுமையாக இருக்கும் டெல்லியில் செயற்கையாக மழை பெய்ய வைக்கும் டெல்லி அரசின் முயற்சி தோல்வியடைந்துள்ளது. ஐஐடி கான்பூருடன் இணைந்து வியாழக்கிழமை மேக விதைப்பு நடத்த திட்டமிடப்பட்டது. சுமார் ரூ.1.2 கோடி செலவில் இந்த சோதனை நடத்தப்பட்டது.

குளிர்கால மாதங்களில் காற்று மாசுபாடு அதிகரிப்பதை கட்டுப்படுத்தும் நோக்கில் செயற்கை மழை பெய்ய வைக்கும் அரசின் முயற்சி மேற்கொள்ளப்பட்டது. மேக விதைப்பு என்பது மேகங்களில் வெள்ளி அயோடைடு மற்றும் சோடியம் குளோரைடு சேர்மங்களை வைப்பதன் மூலம் செயற்கையாக மழை பெய்ய வைப்பதாகும். இதற்காக ஐஐடி கான்பூரால் இயக்கப்படும் ஒரு சிறிய விமானம் பயன்படுத்தப்பட்டது.