மூன்று ஊழல் வழக்குகளில் ஷேக் ஹசீனாவுக்கு 21 ஆண்டுகள் சிறைத்தண்டனை

 

 

 

வங்காளதேசத்தில் சர்வதேச குற்றவியல் தீர்ப்பாயத்தால் மரண தண்டனை விதிக்கப்பட்ட பின்னர், முன்னாள் பிரதமர் ஷேக் ஹசீனாவுக்கு மூன்று தனித்தனி ஊழல் வழக்குகளில் தண்டனை விதிக்கப்பட்டுள்ளது. இந்த வழக்குகள் புர்பாச்சலில் உள்ள ராஜுக் நியூ டவுன் திட்டத்தின் கீழ் நிலங்களை ஒதுக்குவதில் நடந்த முறைகேடுகள் தொடர்பானவை. இந்த வழக்குகளில் ஷேக் ஹசீனாவுக்கு மொத்தம் 21 ஆண்டுகள் சிறைத்தண்டனை விதிக்கப்பட்டது.

ஹசீனாவின் மகன் சஜீப் வாசித் ஜாய்க்கு நீதிமன்றம் ஐந்து ஆண்டுகள் சிறைத்தண்டனையும் 1,00,000 டாக்கா அபராதமும் விதித்தது. அவரது மகள் சைமா வாசித் புதுலுக்கும் ஐந்து ஆண்டுகள் சிறைத்தண்டனை விதிக்கப்பட்டுள்ளது. ஹசீனா மற்றும் அவரது குடும்ப உறுப்பினர்கள் மீது வங்காளதேச ஊழல் தடுப்பு ஆணையம் ஆறு வழக்குகளை தாக்கல் செய்திருந்தது.