எல் நினோ நிகழ்வு: இந்தியாவில் பருவமழை குறையக்கூடும் என எச்சரிக்கை

 

 

இந்தியாவில் இம்முறை பெய்யக்கூடிய பருவமழை, வழக்கமான அளவை விடக் குறைவாக இருக்கும் என எச்சரிக்கை விடுக்கப்பட்டுள்ளது. பசிபிக் பெருங்கடலின் வெப்பநிலையை அதிகரிக்கச் செய்யும் 'எல் நினோ' (El Nino) நிகழ்வே இதற்கு முக்கியக் காரணம் என மதிப்பிடப்பட்டுள்ளது.

அமெரிக்காவின் தேசிய வானிலை ஆய்வு முகமையான 'தேசிய பெருங்கடல் மற்றும் வளிமண்டல நிர்வாகத்தின்' (NOAA) தகவலின்படி, ஜூன் முதல் ஆகஸ்ட் வரையிலான மாதங்களில் எல் நினோ நிகழ்வு மேலும் வலுப்பெறும் என்று எதிர்பார்க்கப்படுகிறது. இதன் விளைவாக, இந்தியாவில் வெப்பத்தின் தாக்கம் அதிகரிக்கக்கூடும் என்றும், பருவமழை வலுவிழக்கக்கூடும் என்றும் வானிலை ஆய்வாளர்கள் கருத்து தெரிவித்துள்ளனர்.