இத்தாலியில் 12 டன் 'கிட் கேட்' சாக்லேட்டுகள் திருட்டு

 

 

நெஸ்லே நிறுவனத்தின் 'கிட் கேட்' (Kit Kat) சாக்லேட் பார்கள் சுமார் 12 டன் அளவில் திருடப்பட்டுள்ளன. இந்தத் திருட்டுச் சம்பவத்தில், சாக்லேட்டுகளை ஏற்றிச் சென்ற ஒரு சரக்கு லாரியும் அடங்கும். இத்தாலியில் உள்ள உற்பத்தி ஆலையிலிருந்து போலந்து நோக்கிப் பயணித்துக்கொண்டிருந்த அந்த லாரி, திடீரெனக் காணாமல் போனது.

அந்த லாரியில் சுமார் 4,13,793 சாக்லேட் பார்கள் இருந்ததாக நெஸ்லே நிறுவனம் தெரிவித்துள்ளது. உற்பத்தி ஆலையிலிருந்து அனுப்பப்பட்ட அந்த வாகனமோ அல்லது அதில் இருந்த பொருட்களோ இதுவரை கண்டுபிடிக்கப்படவில்லை என்றும் அந்நிறுவனம் கூறியுள்ளது. இந்தத் திருட்டுச் சம்பவம், இந்த வாரத்தின் தொடக்கத்தில் நிகழ்ந்ததாக நிறுவனம் தெரிவித்துள்ளது. ஐரோப்பாவில் உள்ள பல்வேறு நிறுவனங்களுக்கு விற்பனைக்காகவே இந்தச் சாக்லேட்டுகள் அனுப்பப்பட்டிருந்தன.