ராமர் வேடத்தில் சுஷாந்த்; இணையத்தில் வைரலாகும் AI படங்கள்

 

 

நிதேஷ் திவாரி இயக்கும் பிரம்மாண்டத் திரைப்படமான 'ராமாயணம்'-இன் முன்னோட்டம் (Teaser) வெளியானதைத் தொடர்ந்து, சமூக வலைத்தளங்களில் அது குறித்த விவாதங்கள் சூடுபிடித்துள்ளன. ராமர் வேடத்தில் ரன்பீர் கபூர் மேற்கொண்டிருக்கும் தோற்ற மாற்றம், கலவையான விமர்சனங்களைப் பெற்று வருகிறது. இந்நிலையில், மறைந்த நடிகர் சுஷாந்த் சிங் ராஜ்புத் ராமர் வேடத்தில் இருப்பது போன்ற செயற்கை நுண்ணறிவு (AI) மூலம் உருவாக்கப்பட்ட படங்கள் இணையத்தில் வைரலாகி வருகின்றன. ரன்பீரை விட சுஷாந்தே அந்த கதாபாத்திரத்திற்கு மிகவும் பொருத்தமானவர் என்று ரசிகர்கள் கருத்து தெரிவித்து வருகின்றனர்.

சமீபத்தில் ஒரு 'ரெடிட்' (Reddit) பயனர் பகிர்ந்த சில படங்களே இந்த விவாதங்களுக்குத் தொடக்கப்புள்ளியாக அமைந்தன. அந்தப் படங்களில், அயோத்தியில் அரச உடையில் காட்சியளிக்கும் சுஷாந்த், வனவாசத்தின் போது படகில் அமர்ந்திருக்கும் அமைதியான கோலத்திலும் காணப்படுகிறார்.