கால்கரி நகரை பசுமையாக்கும் திட்டம்: 10,000 மரங்கள் நடுதல்

 

 

கால்கரி நகரத்தின் பசுமைப் பரப்பை அதிகரிக்கும் திட்டத்தின் ஒரு பகுதியாக, 10,000 புதிய மரங்களை நட கால்கரி நகர சபை திட்டமிட்டுள்ளது. நகரத்தின் 'நகர்ப்புற மரக்கூரை' (urban canopy) எனப்படும் மரங்களின் அடர்த்தியை அதிகரிக்கும் நோக்கத்துடன், இந்த பிரம்மாண்டமான திட்டம் செயல்படுத்தப்பட்டு வருகிறது. ஒவ்வொரு வீட்டிற்கும் இரண்டு மரக்கன்றுகள் வழங்கப்படும்.

இந்த மரங்கள் அதிகரித்து வரும் வெப்பத்தை எதிர்கொள்ளவும், நிழலை வழங்கவும் உதவும். வளிமண்டலத்தில் உள்ள கார்பன் டை ஆக்சைடை உறிஞ்சுவதன் மூலம் இவை காற்றின் தரத்தை மேம்படுத்தும். பறவைகள் மற்றும் பிற உயிரினங்களுக்குப் புதிய வாழ்விடங்கள் உருவாக்கப்படும். மேலும் பசுமையான பூங்காக்களும் பொது இடங்களும், நகர மக்களுக்கு மனதிற்கு இதமான ஓய்வைப்பெற ஒரு வழியாக அமையும்.

இந்த மரங்கள் முக்கியமாகப் பள்ளிகள், பொது இடங்கள் மற்றும் பல்வேறு குடியிருப்புப் பகுதிகளில் நடப்படவுள்ளன. இந்த முன்னெடுப்பின் மூலம் நிலையான வளர்ச்சியில் ஒரு முன்மாதிரி நகரமாகத் திகழ கால்கரி இலக்கு நிர்ணயித்துள்ளது. நடப்பட்ட மரங்களைப் பராமரிக்கும் பணியில் நகர மக்கள் பங்கேற்க வேண்டும் என்று நகராட்சி நிர்வாகம் கேட்டுக்கொண்டுள்ளது. வருங்காலத் தலைமுறையினருக்காக ஒரு பசுமையான நகரத்தை உருவாக்குவதே இத்திட்டத்தின் மையக்கருத்தாகும்.