வேற்றுகிரகவாசிகள் உண்மையா? ஒரு கட்டுக்கதையா? ; அமெரிக்கா இரகசிய ஆவணங்களை வெளியிடுகிறது

 

 

வேற்றுகிரகவாசிகள் தொடர்பான இரகசிய ஆவணங்களை அமெரிக்கா வெளியிடத் தொடங்கியுள்ளது. வேற்றுகிரகவாசிகள் இருக்கிறார்களா இல்லையா என்பதை மக்கள் தாங்களாகவே முடிவு செய்ய வேண்டும் என்பதே அதிபர் டொனால்ட் டிரம்பின் வாதமாகும். war.gov/ufo என்ற இணையதளத்தில் பகிரப்பட்ட படங்கள் இப்போது யார் வேண்டுமானாலும் பார்க்கும் வகையில் கிடைக்கின்றன.

தற்போது வெளியிடப்பட்டுள்ள படங்கள் மற்றும் கோப்புகள், விளக்கப்படாத அசாதாரண சூழ்நிலைகள் பற்றியவை. அகச்சிவப்புப் படங்களில், அமெரிக்காவின் பல்வேறு பகுதிகளின் வானத்தில் சந்தேகத்திற்கிடமான கருப்புப் புள்ளிகளின் படங்களும், ஒரு நீள்வட்ட வெண்கல உருவமும் அடங்கும்.