புளோரிடா துப்பாக்கிச்சூடு: பாதிக்கப்பட்டவரின் குடும்பத்தினர் Open AI மீது வழக்குத் தொடர்ந்தனர்

 

 

கடந்த ஆண்டு புளோரிடா மாநிலப் பல்கலைக்கழகத்தில் நடைபெற்ற படுகொலைச் சம்பவத்திற்குப் பின்னால் Chat GPT-யே காரணம் என்று குற்றம் சாட்டி, பாதிக்கப்பட்டவரின் மனைவி அதன் மீது வழக்குத் தொடர்ந்துள்ளார். இந்தத் தாக்குதலை நடத்துவதற்குத் தேவையான இடம், நேரம் மற்றும் ஆயுதங்கள் குறித்த வழிமுறைகளை அந்த 'சாட் பாட்' (chat bot) கொலையாளிக்கு வழங்கியதே இவ்வழக்கின் முக்கியக் குற்றச்சாட்டாகும். இத்தாக்குதலில் மாணவர்களை ஈடுபடுத்துவது ஊடகங்களின் கவனத்தை அதிகம் ஈர்க்கும் என்றும் அந்த AI அமைப்பு ஆலோசனை வழங்கியதாகப் புலனாய்வாளர்கள் கண்டறிந்துள்ளனர்.

இச்சம்பவத்தில் உயிரிழந்த திரு சப்பா என்பவரின் மனைவியான வந்தனா ஜோஷி, பாதுகாப்பு விதிமுறைகளைப் பின்பற்றாமல், லாபத்தை மட்டுமே குறிக்கோளாகக் கொண்டு அந்நிறுவனம் செயல்பட்டதே தன் கணவரின் உயிரைப் பறித்தது என்று வேதனையுடன் தெரிவித்தார். புளோரிடா மாநிலப் பல்கலைக்கழக வளாகத்தில் அதிக மக்கள் நடமாட்டம் உள்ள நேரங்கள் குறித்தும், உயிரிழப்புகளின் எண்ணிக்கையை அதிகரிப்பதற்கான வழிகள் குறித்தும் அந்தக் கொலையாளி Chat GPT-யிடம் வினவியதாகப் புலனாய்வு விசாரணையில் தெரியவந்துள்ளது. இருப்பினும், இணையத்தில் ஏற்கனவே பொதுவெளியில் உள்ள தகவல்களை மட்டுமே தாங்கள் வழங்கியதாகவும், சட்டவிரோதச் செயல்களைத் தாங்கள் ஒருபோதும் ஊக்குவிக்கவில்லை என்றும் Open AI நிறுவனம் விளக்கம் அளித்துள்ளது.

சமூக ஊடகங்களும் செயற்கை நுண்ணறிவும் (AI) குழந்தைகளின் மனநலத்தையும் பாதுகாப்பையும் பாதிப்பதாகக் குற்றம் சாட்டப்பட்டு, இதற்கு முன்னரும் உலக அளவில் சட்ட நடவடிக்கைகளை எதிர்கொண்டுள்ளன. AI தொழில்நுட்பத்தின் பொறுப்புடைமை குறித்தும், சமூகத்தின் மீதான அதன் தாக்கங்கள் குறித்தும் விரிவான விவாதங்கள் எழுவதற்கு இந்த வழக்கு ஒரு முக்கியத் தளத்தை அமைத்துக் கொடுத்துள்ளது.