டெல்லியில் பாகிஸ்தானுடன் தொடர்புள்ள 9 பேர் கைது

 

 

இந்தியாவின் அணுசக்தி நிலையங்கள் உள்ளிட்ட முக்கியத்துவம் வாய்ந்த இடங்கள் மீது தாக்குதல் நடத்தத் திட்டமிட்டிருந்த ஒன்பது பேரை டெல்லி காவல்துறை கைது செய்துள்ளது. பாகிஸ்தானின் உளவு அமைப்பான ஐ.எஸ்.ஐ (ISI) மற்றும் பாதாள உலகத் தலைவன் தாவூத் இப்ராஹிம் ஆகியோருடன் தொடர்புகொண்டிருந்த இந்த ஒன்பது பேரையும் டெல்லி காவல்துறையின் சிறப்புப் பிரிவு கைது செய்துள்ளது. இவர்களிடமிருந்து பெருமளவிலான ஆயுதங்களும் கைப்பற்றப்பட்டுள்ளன.

கைது செய்யப்பட்டவர்களில் டெல்லி, மும்பை மற்றும் பஞ்சாப் மாநிலங்களைச் சேர்ந்தவர்கள் மட்டுமின்றி, வெளிநாட்டினரும் அடங்குவர் என்று டெல்லி காவல்துறை தெரிவித்துள்ளது. இருப்பினும், கைது செய்யப்பட்டவர்கள் குறித்த கூடுதல் விவரங்களை காவல்துறை வெளியிடவில்லை.