பேஸ்பால் மட்டையால் அடித்து கர்ப்பிணி காதலி கொலை: குற்றவாளிக்கு 30 ஆண்டுகள் சிறைத்தண்டனை

 

 

நியூ ஜெர்சி: கர்ப்பிணியான தனது காதலியை பேஸ்பால் மட்டையால் அடித்துக் கொன்ற குற்றத்திற்காக ஒருவருக்கு 30 ஆண்டுகள் சிறைத்தண்டனை விதிக்கப்பட்டுள்ளது. நியூ ஜெர்சியைச் சேர்ந்த போரிஸ் லைன்ஸ்-ரோசலஸ் (28) என்பவருக்கு நீதிமன்றம் இந்தத் தண்டனையை வழங்கியது. உயிரிழந்தவர் 25 வயதான லெஸ்லியான் குயின்டானா-பெட்டன்கோர்ட் ஆவார். இந்தத் கொடூரத் தாக்குதலில் அந்தப் பெண்ணும், அவரது கருவில் இருந்த குழந்தையும் உயிரிழந்தனர்.

ஆரம்பத்தில் அந்தப் பெண்ணை படிக்கட்டில் கீழே தள்ளிவிட்டு, ஆதாரங்களை அழிக்கக் குற்றவாளி முயன்றபோதிலும், பின்னர் அவர் 'முதல் நிலை கொலை' (first-degree murder) குற்றத்தை ஒப்புக்கொண்டார். வீட்டின் பின்புறத்திலிருந்து ரத்தக்கறை படிந்த மட்டை மற்றும் பிற ஆதாரங்களை காவல்துறையினர் கைப்பற்றினர்.

நீதிபதி ஜோசப் லெவின் விதித்த இந்த 30 ஆண்டு கால சிறைத்தண்டனையின்படி, குற்றவாளிக்கு முன்கூட்டியே விடுதலை அல்லது பரோல் (parole) பெறும் வாய்ப்பு இருக்காது.