இந்தியர்களுக்கு ஐக்கிய அரபு அமீரகம் இலவசப் பார்வையாளர் விசாக்களை வழங்குகிறது

 

இந்தியர்களுக்கு இலவசப் பார்வையாளர் விசாக்களை ஐக்கிய அரபு அமீரகம் வழங்குகிறது. அபுதாபி சுற்றுலாத் துறை இந்த அறிவிப்பை வெளியிட்டுள்ளது. முதற்கட்டமாக 20,000 விசாக்கள் வழங்கப்படும். இத்திட்டம் ஆகஸ்ட் 1 முதல் அக்டோபர் 31 வரை நடைமுறையில் இருக்கும். இதில் அபுதாபியில் மூன்று நாட்கள் தங்குவது அவசியமாகும்; அத்துடன் இந்தியா திரும்புவதற்கான பயணச்சீட்டும் கட்டாயமாகும்.

இத்திட்டத்தில் பங்கேற்கும் பயண முகமைகள் அல்லது இணையவழிப் பயண முகமைகள் மூலம் அபுதாபிக்குச் சுற்றுலாப் பயணம் மேற்கொள்ள முன்பதிவு செய்யும், தகுதியுடைய இந்தியக் கடவுச்சீட்டு (பாஸ்போர்ட்) வைத்திருப்பவர்கள் இந்தச் சலுகையைப் பெறலாம்.