ஏர் இந்தியா விமான நிறுவனத்தில் கட்டாய போதைப்பொருள் பரிசோதனை: இரு விமானிகள் தோல்வி, பணியிலிருந்து நீக்கம்

 

 

ஏர் இந்தியா விமானிகள் இருவருக்கு நடத்தப்பட்ட போதைப்பொருள் பரிசோதனையில், ஆரம்பகட்ட முடிவுகள் 'பாசிட்டிவ்' (போதைப்பொருள் பயன்பாடு இருப்பது உறுதி) என வந்துள்ளதாகத் தகவல்கள் தெரிவிக்கின்றன. பூக்கெட்டிலிருந்து டெல்லிக்குச் சென்ற விமானத்தின் கேப்டன் ஒருவருக்குப் போதைப்பொருள் பயன்பாடு இருப்பது கண்டறியப்பட்டதைத் தொடர்ந்து, ஏர் இந்தியா விமானிகளுக்கு இத்தகைய பரிசோதனை கட்டாயமாக்கப்பட்டது.

விமானிகளின் சிறுநீர் மாதிரிகளைப் பரிசோதித்தபோது, அவர்கள் போதைப்பொருட்களைப் பயன்படுத்தியிருப்பது தெரியவந்தது. இருவரின் மாதிரிகளும் விரிவான பரிசோதனைக்காக அனுப்பப்பட்டுள்ளன. இறுதி முடிவுகளைப் பொறுத்து அடுத்தகட்ட நடவடிக்கைகள் எடுக்கப்படும்; வழக்கமாக இதற்கு 24 முதல் 48 மணிநேரம் வரை ஆகும். தற்போது, அந்த இரு விமானிகளும் பணி அட்டவணையிலிருந்து நீக்கப்பட்டுள்ளனர்.