ரொனால்டோவுக்கு ஒரு மாத கால இடைநீக்கம்; 255 யூரோ அபராதம்

 

 

போர்ச்சுக்கல் அணியின் கேப்டன் கிறிஸ்டியானோ ரொனால்டோவுக்கு ஒரு மாத கால இடைநீக்கம் விதிக்கப்பட்டுள்ளது. பயிற்சியாளருடன் ஏற்பட்ட கருத்து வேறுபாட்டைத் தொடர்ந்து, தேசிய அணியின் பயிற்சி முகாமிலிருந்து அவர் வெளியேறியதைத் தொடர்ந்து இந்த ஒழுங்கு நடவடிக்கை எடுக்கப்பட்டுள்ளது. மேலும், அவருக்கு 255 யூரோ அபராதமும் விதிக்கப்பட்டுள்ளது. கடந்த மாதம் டென்மார்க் அணிக்கு எதிரான போட்டிக்கான போர்ச்சுக்கல் அணியில் தமக்கு இடம் கிடைக்காததை எதிர்த்து, யாரிடமும் தெரிவிக்காமல் ரொனால்டோ பயிற்சி முகாமிலிருந்து வெளியேறினார்.

இந்த முக்கியமான முடிவை ஒழுங்கு நடவடிக்கைக் குழு எடுத்துள்ளது. முன்னதாக, ரொனால்டோவுக்கு ஒன்று முதல் ஆறு மாதங்கள் வரை இடைநீக்கம் விதிக்கப்படலாம் என்று செய்திகள் வெளியாகியிருந்த நிலையில், தற்போது அவருக்கு ஒரு மாத கால இடைநீக்கம் என்பது அதிகாரப்பூர்வமாக உறுதிப்படுத்தப்பட்டுள்ளது.