உலகிலேயே முதன்முறையாக மனிதருக்கு 'ஷமோண்டா' (Shamonda) வைரஸ் பாதிப்பு உறுதி செய்யப்பட்டது

 

 

முன்பு விலங்குகளை மட்டுமே பாதிப்பதாக அறியப்பட்ட 'ஷமோண்டா' வைரஸ், உலகிலேயே முதன்முறையாக ஒரு மனிதருக்கு இருப்பது உறுதி செய்யப்பட்டுள்ளது. பிரான்ஸைச் சேர்ந்த பாதிக்கப்பட்ட நபர் உயிரிழந்துவிட்டதாக உலக சுகாதார அமைப்பு (WHO) தெரிவித்துள்ளது. வைரஸைக் சுமந்து செல்லும் விலங்குகள் வசிக்கும் பகுதியில் அந்த நபர் வாழ்ந்து வந்ததாகவும், அவரது நோய் எதிர்ப்பு சக்தி பலவீனமாக இருந்ததாகவும் உலக சுகாதார அமைப்பு குறிப்பிட்டுள்ளது.

உயிரிழந்தவர் ஒரு இளைஞர்; அவர் லியோன் (Lyon) நகரில் உள்ள மருத்துவமனை ஒன்றில் சிகிச்சை பெற்று வந்தார். இந்த வைரஸ் கிழக்கு பிரான்ஸில் உள்ள விலங்குகளிடையே பரவி வந்தது. பாதிக்கப்பட்ட ஈ ஒன்றின் கடி மூலமாகவே இந்தத் தொற்று பரவியிருக்கலாம் என்று பிரெஞ்சு அதிகாரிகள் சந்தேகிக்கின்றனர். இது ஒரு தனிப்பட்ட நிகழ்வு மட்டுமே என்றும், மேலும் பரவுவதற்கான வாய்ப்பு மிகக் குறைவு என்றும் உலக சுகாதார அமைப்பு தெரிவித்துள்ளது.